_ არსებობს თუ არა ქართულ ენაში ფრაზები ან გამონათქვამები, რომლებიც მდინარეს უკავშირდება?
_ რა თქმა უნდა, არსებობს, თუმცა მათი რაოდენობა არც ისე დიდია.
_ შეგიძლია რამდენიმე მათგანი გაიხსენო?
_ სიამოვნებით. მაგალითად, ქართულში არსებობს გამოთქმა „ჩაილურის წყალი დალია“. ამ გამონათქვამის შესახებ შემდეგი განმარტება არსებობს: „უკვალოდ გაქრა, უქმად ჩაიარა, დავიწყებას მიეცა“ ან „წასულია მისი საქმე“, ანუ „დაკარგულია“. არსებობს გადმოცემა, თუ საიდან გაჩნდა ეს ხატოვანი გამოთქმა.
_ მართლა? რა საინტერესოა!
_ თუ გინდათ, ახლავე მოგიყვებით. ჩაილური მდინარეა კახეთში. იმ დროს, როდესაც დაღესტნელი ფეოდალები თავს ესხმოდნენ ქართლ-კახეთს, ქართლელი მდევარი ტყვეებისა და მოპარული საქონლის დასახსნელად ჩაილურის ხევამდე მისდევდა მტერს. თუ წაართმევდნენ ტყვეებს, მშობლიურ კერას უბრუნებდნენ. თუ ვერ დაეწეოდნენ და ჩაილურის ხევს გადაასწრებდნენ, შინ დაბრუნებული მდევარი უიმედოდ იტყოდა: „ვერაფერი გავაწყვეთ, ჩაილურის წყალი დალიეს უკვეო“.
_ ხშირად ამბობენ, რომ „ერთ მდინარეში ორჯერ ვერ შეხვალ“.
_ ჰო, თუ არ ვცდები, აღმოსავლური სიბრძნეა. ეს ნიშნავს, რომ ადამიანის ცხოვრებაში არაფერი მეორდება, ყველაფერი ერთხელ ხდება.
_ დიდი მადლობა. სიმართლე გითხრა, კარგად არ მესმოდა ამ ფრაზის შინაარსი. მდინარის სხვადასხვა ნაპირზე ვართ, ალბათ, იმას ნიშნავს, რომ განსხვავებული აზრები გვაქვს, სხვადასხვა პოზიციაზე ვართ, არა?
_ კი, მართალი ხარ.
თქვენი სიტყვებით გადმოეცით, რას ნიშნავს გამონათქვამები: „ჩაილურის წყალი დალია“ და „ერთ მდინარეში ორჯერ ვერ შეხვალ“.