სათავისო ქცევის ნიშანი;

ობიექტი I პირში და სასხვისო ქცევა

ი თავსართი სათავისო ქცევის ნიშანიც არის და სასხვისოსიც. სათავისო ქცევას სამივე პირში ი გამოხატავს, სასხვისოს კი ეს ნიშანი აქვს პირველსა და მეორე ობიექტურ პირში, მესამე ობიექტურში აქვს - უ. მაშასადამე, განსხვავება ამ ორ ქცევას შორის აშკარად იჩენს თავს მესამე პირში. ამიტომ, როცა ზმნა პირველი ან მეორე პირის ფორმაა, მესამე პირში უნდა გადავიყვანოთ და გავიგებთ, სათავისო ქცევის ფორმაა ის თუ სასხვისოსი.

თუ I და II პირებში ი- პრეფიქსი მოსდევს ირიბი ობიექტის ნიშანს (მ-ი-შენებს, გ-ი-შენებს; მ-ი-ყიდის, გ-ი-ყიდის...), III პირში ქცევის ნიშნად უ- პრეფიქსი იქნება. ისინი გამოხატავენ სასხვისო ქცევას (მიშენებს, გიშენებს, უშენებს...); თუ ქცევის ი- პრეფიქსი მოსდევს პირდაპირი ობიექტის ნიშანს I და II პირებში (და-მ-ი-ქირავა, და-გ-ი-ქირავა; წა-მ-ი-ყვანა, წა-გ-ი-ყვანა...), ქცევის ნიშანი III პირშიც ი- პრეფქსი იქნება (დამიქირავა, დაგიქირავა, დაიქირავა; წამიყვანა, წაგიყვანა, წაიყვანა).

• ამოიწერეთ ტექსტიდან სათავისო და სასხვისო ქცევის ფორმები და დააჯგუფეთ.