გრამატიკა
![IDevice Icon](icon_activity.gif)
ზმნის
პირი გვიჩვენებს: მოუბარს; ვისაც მოუბარი მიმართავს საუბრის დროს; ვინც ან რაც არც
მოუბარია და არც მისი მიმართვის საგანი, არამედ სხვა.
პირველი
პირისაა ფორმა, რომელშიც იგულისხმება მე ან ჩვენ: ვხატავ (მე), ვწერ (მე)... ვხატავთ
(ჩვენ), ვწერთ (ჩვენ)...
მეორე
პირისაა ფორმა, რომელშიც იგულისხმება შენ ან თქვენ: ხატავ (შენ), წერ (შენ)... ხატავთ
(თქვენ), წერთ (თქვენ)...
მესამე
პირისაა ფორმა, რომელშიც იგულისხმება ის (იგი, მან, მას) ან ისინი (მათ): ხატავს (ის),
წერს (ის) დახატა (მან)... დაუხატავს (მას)... დაუწერია (მას)... ხატავენ (ისინი),
წერენ (ისინი)... დახატეს (მათ), დაწერეს (მათ)...
ზმნის
პირიან ფორმებს ორი რიცხვი აქვს: მხოლობითი და მრავლობითი.
მხოლობითია
ფორმა, რომელიც გულისხმობს ერთი საგნის მოქმედებას: დადის, მუშაობს, აკეთებს...
მრავლობითია
ფორმა, რომელიც გულისხმობს მრავალი საგნის მოქმედებას: დადიან, მუშაობენ, აკეთებენ...
პირველი
პირის ფორმას ეწყობა მე (მხ. რ.) და ჩვენ (მრ. რ.);
მეორე
პირის ფორმას ეწყობა შენ (მხ. რ.) და თქვენ (მრ. რ.);
მესამე
პირის ფორმას ეწყობა ის/იგი, მან, მას (მხ. რ.) და ისინი (მრ. რ.).
ზმნა
არის იმდენპირიანი, რამდენი პირიც შეეწყობა მას.
ერთპირიანია:
ცხოვრობს, დგას, მიდის, იყიდება, იზრდება...
ორპირიანია:
ხატავს (ის მას), წერს (ის მას), ზრდის (ის მას), ყიდის (ის მას)...
სამპირიანია: უხატავს (ის მას მას), სწერს (ის მას მას), უყიდის (ის მას მას), უზრდის (ის მას მას)...
შეასრულეთ წერითი სავარჯიშო P110/1
შეასრულეთ წერითი სავარჯიშო P110/2
შეასრულეთ წერითი სავარჯიშო P110/3