გრამატიკა
![IDevice Icon](icon_activity.gif)
კომპოზიტები ორი ან მეტი სიტყვის შეერთებით
ახალი სიტყვის მიღებას გულისხმობს.
შედგენილობის
მიხედვით გვაქვს:
1. კომპოზიტები, რომლებიც მიღებულია ფუძის
გაორკეცებით: თავთავი, დროდადრო, ხანდახან, კარიკარ, ორ-ორი...;
2. კომპოზიტები, რომლებიც მიღებულია ორი ან
მეტი სხვადასხვა ფუძის (ან სიტყვის) შეერთებით: დედ-მამა, ხელმოკლე, ოცდასამი, მზეთუნახავი,
ჭირისუფალი, ხელფეხშეკრული...
შინაარსობრივი თვალსაზრისით ზოგი კომპოზიტის
მნიშვნელობა უდრის მისი შემადგენელი კომპონენტების ჯამს და ორ ან მეტ ცნებას მოიცავს;
ასეთია: ცოლ-ქმარი, მთა-ბარი, წითელ-ყვითელი, ორი-სამი, ქართლ-კახეთ-იმერეთი, მამა-პაპა,
ნავსადგური, შავ-თეთრი, ერთი-ორი, ორმოცდაათი, გულკეთილი, ხელმოკლე, წითელკაბიანი,
გულგატეხილი, წყალწაღებული, ზედაპირი, ძალ-ღონე, ალალ-მართალ-ი, ღარიბ-ღატაკ-ი, კვლევა-ძიება...
დღე-ღამე, მიწა-წყალ-ი, უფროს-უმცროს-ი, შავ-თეთრ-ი... დედ-მამა, სახნავ-სათეს-ი, სიტყვა-პასუხ-ი...
მისვლა-მოსვლა, მიწერ-მოწერა, ამვლელ-ჩამვლელ-ი, წასულ-წამოსულ-ი...
ზოგი რთული სიტყვა კი სემანტიკურ მთლიანობად არის ქცეული, ერთცნებიანია, მისი მნიშვნელობა არ უდრის შემადგენელი სიტყვების მნიშვნელობათა ჯამს; ერთცნებიანი კომპოზიტებია: ცისარტყელა, ცისკარი, ქინძისთავი... ვაჟკაცი, დედაქალაქი... ქალიშვილი, ვაჟიშვილი... თავისუფლება... თავშალი, მამიდა... ავდარი, დიდვაჭარი, შუადღე... ახალქალაქი, ახალდაბა, შუამთა... ბიძაჩემი, მამაჩემი, დედაშენი... ზედაპირი, წინასწარმეტყველი... თავღია, თმათეთრი, ენაჩავარდნილი,ფეხმოტეხილი...ცხვირპირდამტვრეული, წვერულვაშგათეთრებული, ხელპირდაუბანელი...
შეასრულეთ წერითი სავარჯიშო P111/1
შეასრულეთ წერითი სავარჯიშო P111/2
შეასრულეთ წერითი სავარჯიშო P111/3