კითხვა / წერა - Կարդալ / գրել - Oxu / yazı
წაიკითხეთ
დიალოგები:
Կարդացե՛ք երկխոսությունները.
Dialoqları oxuyun:
შეხვედრა
_ბექა, ხვალ რას აკეთებ?
_ხვალ მაღაზიაში უნდა წავიდე. აცივდა და თბილი ტანსაცმელი მინდა.
_კი, ძალიან აცივდა. მეც მინდა მაღაზიაში წასვლა, თეას ქურთუკი უნდა,
მე ჩექმები და თბილი სვიტერები მინდა. შენ რომელ მაღაზიაში აპირებ წასვლას?
_ქარვასლაში, იქ კარგი არჩევანია.
_ გინდა ერთად წავიდეთ?
_კი, კარგი იქნება, მე, შენ და თეკლა ერთად წავიდეთ.
_კარგი, ხვალ დილით ადრე უნდა ავდგე, მანქანას გავრეცხავ და მერე ჩემი
მანქანით წავიდეთ.
_კარგი,ხვალ დილით ათ საათამდე დამირეკე.
_ხვალამდე!
_კარგად!
მაღაზიაში
_ბექა, აი, სვიტერები, მოდი, ახლოდან ვნახოთ.
_მივიდეთ. ეს კარგი სვიტერი ჩანს, თბილია.
_კი, თბილია და კარგია, უნდა გაისინჯო.
_კი, მოვიზომავ. თუ შეიძლება ეს სვიტერი მაჩვენეთ!
_რომელი, მწვანე?
_არა, შოკოლადისფერი.
_ინებეთ!
_შეიძლება გავისინჯო?
_კი, შებრძანდით იქ და მოიზომეთ.
_მოიზომე, ბექა, მოგერგო?
_კი, ზუსტად ჩემი ზომაა! ვიღებ!
_კარგია, მშვიდობაში!
_გმადლობ! თეკლა სად არის?
_ქურთუკს ისინჯავს. ახლა გამოვა.
_კარგი, ახლა ფულს გადავიხდი და მოვალ.
_მოვედი! მოერგო თეკლას ქურთუკი?
_ის არა, პატარა ჰქონდა. მეორე გაისინჯა და მოერგო. ახლა ჩექმებს
არჩევს.
_შენ მოგეწონა რამე?
_აი, ეს შარვალი მომწონს და უნდა გავისინჯო. დამელოდე.
_კარგი, მე პალტოს ვნახავ.
_თეკლა, ნახე ამ მანეკენს ძალიან ლამაზი ქუდი ახურავს. არ მოგწონს?
_არა, არ მომწონს. მე ის შარფი მომწონს!
_რომელი?
_აი, იმ მანეკენს უკეთია.
_კარგი, წავიდეთ და ვნახოთ. ჩექმა იყიდე?
_კი, ვიყიდე, შენ შარვალი იყიდე?
_ვიყიდე და ახლა ქამარი მინდა.
_კარგი, წავიდეთ. ბექა სად არის?
_პალტოს ისინჯავს.
_ბექა, მოგერგო პალტო?
_კი, კარგად მქონდა, ზუსტად ასეთი მინდოდა. კოსტუმიც ვიყიდე: შარვალი
და პიჯაკი.
_რა ფერია?
_ნაცრისფერი.
_მშვიდობაში!
_გმადლობ. თქვენ ყველაფერი იყიდეთ?
_კი, რაც გვინდოდა, ვიყიდეთ.
_მზით გაცვითეთ!
_გმადლობ, ბექა! ახლა წავიდეთ, უკვე ოთხი საათია!
_რამდენი დრო გასულა, წავიდეთ!
შეასრულეთ წერითი დავალება
Կատարեք գրավոր առաջադրանքը
Yazılı tapşırığı yerinə
yetirin
28P2
ამოიწერეთ და დააჯგუფეთ
ქალისა და მამაკაცის ტანსაცმელის აღმნიშვნელი სიტყვები.
Դո՛ւրս գրեք և խմբավորե՛ք կնոջ և տղամարդու հագուստ ցույց տվող բառերը:Qadın və kişi
paltarını bildirən sözləri yazıb qruplaşdırın.
შეადგინეთ და დაწერეთ მსგავსი დიალოგები თემაზე: ტანსაცმლის
მაღაზიაში.
Կազմե՛ք և գրե՛ք նման երկխոսություններ թեմայի վերաբերյալ. ტანსაცმლის
მაღაზიაში.
Növbəti mövzu üzrə uyğun dialoqları yazın və qurun: ტანსაცმლის
მაღაზიაში.