გრამატიკა
![IDevice Icon](icon_activity.gif)
დროის ზმნიზედები
ზმნიზედა ჰქვია სრული მნიშვნელობის მქონე უცვლელ მეტყველების ნაწილს, რომელიც ჩვეულებრივ ზმნას ახლავს და გვიჩვენებს, თუ სად, როდის, როგორ, რატომ ან რისთვის ხდება მოქმედება. ზმნიზედა,
ჩვეულებრივ, წინადადებაში ზმნას ახლავს: მაგ.,
სამი ზმნიზედა ახლავს ზმნას ამ წინადადებაში: გუშინ იქ ძალიან ცხელოდა. პირველი ზმნიზედა აღნიშნავს, თუ როდის ცხელოდა, მეორე -
სად ცხელოდა, მესამე -
როგორ ცხელოდა.
ზმნიზედა იშვიათად შეიძლება ახლდეს ზედსართავ სახელსა და თვით ზმნიზედასაც: ოდნავ წითელი, ძალიან თეთრი, ძალიან შორს.
შინაარსის
მიხედვით ზმნიზედების რამდენიმე ჯგუფი გამოიყოფა. დროის ზმნიზედებია: დღეს, ხვალ, ზეგ,მაზეგ, გუშინ; ახლა, მაშინ, შარშან, წელს, გაისად...
დროის ზმნიზედას დაესმის კითხვა როდის? (აგრეთვე: როდიდან?
/ რა დროიდან? როდემდე? / რა დრომდე?).
როდის? – ხვალ
როდიდან? – ხვალიდან
როდემდე? – ხვალამდე...
-
მოიძიეთ ტექსტში დროის ზმნიზედები
და ამოიწერეთ.
- დაუსვით სათანადო კითხვები მოძიებულ ზმნიზედებს.
- შეასრულეთ წერითი სავარჯიშო 41P1
ზმნის პირიანობა (ს–წერს)
ქართულ ზმნას ახასიათებს ერთი თავისებურება: მას შეუძლია შეიწყოს არა მარტო
ერთი, არამედ ორი და სამი პირიც კი.
ვიმალები _ ერთ პირს შეიწყობს
და ეს პირი მოლაპარაკეა (I პირის ფორმა); გმალავ ასევე, მოლაპარაკე პირის მიერ ჩადენილ
მოქმედებაზე მიუთითებს (მე გმალავ), მაგრამ ამ ფორმაში II პირიცაა ასახული: მე შენ გმალავ.
ზმნას სამი პირის შეწყობაც შეუძლია: ამათგან ერთი მოქმედია, მეორე _ სამოქმედო
საგანი, მესამე კიდევ პირი, ვისაც ეს მოქმედება რაიმენაირად შეეხება. გიმალავ სამპირიანი ზმნაა _ მოქმედი პირველი პირია, სამოქმედო _ მესამე
პირი (გიმალავ წიგნს); თანამოსაუბრე კი ის პირია, რომელსაც ეს მოქმედება მიემართება
(შენ
გიმალავ).
- მოიძიეთ ტექსტში
ზმნები, რომლებიც 2 ან 3 პირს შეიწყობენ. ამოიწერეთ.
- მოძიებულ ზმნის ფორმებს მიუწერეთ შესაბამისი ნაცვალსახელები (პირები)
ნიმუში: სტუდენტებსა და პროფესორებს ხვდებიან.
– ხვდებიან ისინი მათ...