გრამატიკა
![IDevice Icon](icon_activity.gif)
![](gramatika.jpg)
ზმნა
გარდამავალია, როცა მოქმედი პირის მიერ ჩადენილი მოქმედება სხვა პირზე გადადის.
წინადადებაში: კაცი მიდის – აქტიური მოქმედებაა გამოხატული, მაგრამ ეს ზმნა
გარდაუვალია (სუბიექტი მოქმედებს, აქტიურია, მაგრამ ეს მოქმედება არავისზე არ
გადადის...); წინადადებებში: კაცი სახლს აშენებს; მხატვარი სურათს ხატავს, მწერალი
წიგნს წერს – მოქმედი პირის მიერ შესრულებული მოქმედება სხვა საგანზე (პირზე)
გადადის – ამ მოქმედების შედეგს ვხედავთ (სახლი,
სურათი, წიგნი...).
გარდამავალ
ზმნასთან შეწყობილი სუბიექტი, ზმნის დროის ცვალებასთან ერთად, ბრუნვას იცვლის:
კაცი აშენებს; მხატვარი ხატავს, მწერალი
წერს...
კაცმა ააშენა; მხატვარმა დახატა, მწერალმა
დაწერა...
კაცს აუშენებია; მხატვარს დაუხატავს, მწერალს
დაუწერია...
ახლანდელ
დროში სუბიექტი სახელობითშია, წარსულ დროში – მოთხრობითში, ხოლო წარსულ
შედეგობითში – მიცემითში.
მეორე
სახელი, რომელიც გარდანავალ ზმნას შეეწყობა, პირდაპირი დამატება–ობიექტია. ამ
სახელის ბრუნვებია, შესაბამისად: მიცემითი, სახელობითი და კვლავ სახელობითი:
სახლს აშენებს,
სურათს ხატავს, წიგნს წერს...
სახლი ააშენა,
სურათი დახატა, წიგნი დაწერა...
სახლი აუშენებია,
სურათი დაუხატავს, წიგნი დაუწერია...
- შეასრულეთ წერითი
სავარჯიშო 51P2