გრამატიკა
![IDevice Icon](icon_activity.gif)
![](gramatika.jpg)
ქართულ
ენაში ზმნა და სახელი ერთმანეთს ხან ეთანხმება რიცხვში, ხან – არა.
თუკი
სახელი მოქმედ პირს გამოხატავს (სუბიექტია), მაშინ, როგორც წესი, გვაქვს რიცხვში
შეთანხმება:
„კაცი მოვიდა“, მაგრამ – „კაც–ებ–ი მოვიდ–ნენ“... – შეიცვალა
სახელის რიცხვი (მრავლობითის –ებ დაბოლოება დაერთო) და ზმნაც მრავლობითშია (–ნენ
ბოლოსართი).
როცა
სუბიექტი უსულო პირს გამოხატავს, შესაძლებელია, ზმნა ისევ მხოლობით რიცხვში
გვქონდეს, ესე იგი, ამ შემთხვევაში შეთანხმება არ გვექნება:
„ხე დგას“ –
„ხე–ებ–ი დგას“...
როცა
სუბიექტს მსაზღვრელად რაოდენობის აღმნიშვნელი სახელი ახლავს (ორი, ასი, ბევრი,
ცოტა...), მისი მრავლობით რიცხვში გადაყვანა არ შეიძლება და ზმნაც მხოლობით
რიცხვშია:
„ორი კაცი მოვიდა“ (და არა: „ორი კაც–ებ–ი მოვიდ–ნენ“).
თუკი
ზმნასთან შეწყობილი სახელი სუბიექტი არ არის, ზმნა მას რიცხვში ვერ შეითანხმებს:
„წიგნს წერს“ –
„წიგნ–ებ–ს წერს“; „ელოდება მეგობარს“ – „ელოდება მეგობრ–ებ–ს“...
- გახაზეთ
წინადადებები, რომლებშიც გვაქვს მრავლობით რიცხვში ზმნასა და სახელს შორის
შეთანხმება:
ბანკში იხდიან კომუნალურ
გადასახადებს.
ბანკი თავის კლიენტებს აძლევს
სესხს.
ადამიანებს მიაქვთ ცნობები
ბანკში.
ბანკის კლიენტებს დანაზოგი
ბანკში შეაქვთ შესანახად.
ბანკომატები ყველგან არის.