მოქმედების პროცესი და შედეგი

სტატიკური და დინამიკური ზმნები

ქართულ ენაში ზმნების ერთი დიდი ჯგუფი გამოხატავს მოქმედების პროცესს (არ აქვს მნიშვნელობა, ეს მოქმედება წარსულში სრულდებოდა, აწმყოში თუ მომავალში ივარაუდება); მაგალითად, პროცესს გამოხატავს ზმნები: უკეთებს, წერს, ხატავს...

ქართულში გვაქვს ზმნათა შედარებით მცირე ჯგუფი, რომლებიც მოქმედების, პროცესის შედეგს გამოხატავენ: უკეთებს - უკეთია; წერს - წერია; ხატავს - ხატია...

შედეგის გამომხატველ ზმნებს ანუ სტატიკურ ზმნებს ხშირად აკლია ამა თუ იმ დროის ფორმები. პროცესის გამომხატველი ზმნები - დინამიკური ზმნები- ყველა ფორმას აწარმოებენ.

ნიმუში: ხატია - ხატავს.