გრამატიკა
![IDevice Icon](icon_activity.gif)
![](gramatika.jpg)
რთული ქვეწყობილი წინადადების შეცვლა მარტივით
დამოკიდებული წინადადება იმავე როლს ასრულებს წინადადებაში, რასაც წინადადების ესა თუ ის წევრი: განსაზღვრებითი დამოკიდებული წინადადება განსაზღვრებას ჩაენაცვლება, გარემოებითი დამოკიდებული - გარემოებას, დამატებითი დამოკიდებული - ამა თუ იმ დამატებას აკონკრეტებს და აზუსტებს და ა. შ.
ამ ტიპის წინადადებათა შეცვლა მარტივით საკმაოდ იოლია; ამისათვის საჭიროა:
1. დამოკიდებული წინადადების კავშირი თუ წევრ-კავშირი ამოვიღოთ;
2. მთავარი წინადადებიდან უნდა ამოვიღოთ მისათითებელი სიტყვა;
3. დამოკიდებული წინადადების ზმნა-შემასმენელი შესაბამის საწყისად ან მიმღეობად უნდა `გადავაკეთოთ~ და მთავარი წინადადების წევრად ვაქციოთ.
მაგალითად, რთული წინადადებაა:
`ვინც დროზე იწყებს საქმეს, ის ყველაზე ადრე იღებს შედეგს~.
მარტივ წინადადებად თუ გადავაკეთებთ, საბოლოოდ, წინადადება ასეთ სახეს მიიღებს:
`საქმის დროზე დამწყები ყველაზე ადრე იღებს შედეგს~.
- შეასრულეთ წერითი სავარჯიშო 91P1