მობილური ტელეფონი კარგა ხანია, აღარ არის ფუფუნების საგანი, უფრო მეტიც, შეიძლება ითქვას, ის პირველადი მოხმარების საგნადაც კი იქცა. პირველი მობილური ტელეფონი მარტინ კუპერმა კომპანია „მოტოროლაში“ ოცწლიანი მუშაობის შემდეგ გამოიგონა. პირველი ტელეფონის სახელწოდება „დინა-ტაკი“ იყო და 1,5 კილოგრამს იწონიდა. პირველი ზარი კი 1973 წლის 3 აპრილს განხორციელდა. დროთა განმავლობაში აღნიშნული ტექნიკა დაიხვეწა და დღეისათვის გვაქვს სხვადასხვა ზომის, ფორმის, დიზაინის, ფუნქციის მქონე მობილური აპარატები.