საინფორმაციო წერილი
პატივცემულო კოლეგებო,
გაცნობებთ, რომ 2018 წლის 22-24 ნოემბერს თბილისში გაიმართება ენათმეცნიერ-კავკასიოლოგთა V საერთაშორისო სიმპოზიუმი, რომელიც ეძღვნება აკად. არნ. ჩიქობავას დაბადების 120 წლისთავს. სიმპოზიუმზე განხილული იქნება მეტყველების ნაწილთა პრობლემა იბერიულ-კავკასიურ ენებში.
თემატიკა
ა) მეტყელების ნაწილებად დაყოფის საფუძვლები;
ბ) სახელური მეტყველების ნაწილები იბერიულ-კავკასიურ ენებში;
გ) ზმნა, როგორც მეტყველების ნაწილი, იბერიულ-კავკასიურ ენებში;
დ) ძირითადი და დამხმარე მეტყველების ნაწილები იბერიულ-კავკასიურ ენებში;
ე) იბერიულ-კავკასიური ენები და ციფრული ტექნოლოგიები – მორფოსინტაქსური ანოტირების საკითხები.
მოხსენებათა თეზისები (არაუმეტეს ორი გვერდისა) მიიღება ა. წ. 10 ივლისამდე თსუ არნ. ჩიქობავას სახელობის ენათმეცნიერების ინსტიტუტში (0108 თბილისი, ინგოროყვას ქ., 8; ელექტრონული ფოსტა: vazhashengelia@gmail.com, institutinino@gmail.com). თეზისებს უნდა დაერთოს შევსებული ანკეტა.
სიმპოზიუმის სამუშაო ენებია ქართული, ინგლისური, რუსული. თეზისების ტექსტი უნდად იყოს აწყობილი სილფაინის შრიფტით (ფორმატი А4, შრიფტის ზომა 12, სტრიქონებს შორის მანძილი 1,5).
დამატებით ინფორმაციას მოგაწვდით თეზისების მიღების შემდეგ.
საორგანიზაციო კომიტეტი
ანკეტა
სახელი, გვარი …………………………………………………………………………………………………………..
სამუშაო ადგილი ……………………………………………………………………………………………………….
თანამდებობა ……………………………………………………………………………………………………………..
სამეცნიერო ხარისხი …………………………………………………………………………………………………
მისამართი ………………………………………………………………………………………………………………….
ტელეფონი …………………………………………………………………………………………………………………
ელფოსტა ……………………………………………………………………………………………………………………