თსუ არნოლდ ჩიქობავას სახელობის ენათმეცნიერების ინსიტუტი 2018 წლის 13, 14 და 17 აპრილს გამართავს ქართული ენის დღისადმი მიძღვნილ შემდეგ ღონისძიებებს:
13 აპრილი, 15:00 სთ – ქართული მეტყველების კულტურის განყოფილების ხელმძღვანელის, პროფესორ თამარ ვაშაკიძის საჯარო ლექცია თემაზე „თანამედროვე ქართული ენის მართლწერა-მართლმეტყველების პრობლემები“; ვიქტორინა „მზეენაობაში“ გამარჯვებულის დაჯილდოება (თბილისი, პ. ინგოროყვას ქ. N8, II სართული, სხდომათა დარბაზი).
14 აპრილი, 11:00 სთ – თსუ არნოლდ ჩიქობავას სახელობის ენათმეცნიერების ინსტიტუტის მიერ მომზადებული ლექსიკონების გამოფენა საქართველოს პარლამენტის ილია ჭავჭავაძის სახელობის ეროვნულ ბიბლიოთეკაში (თბილისი, გუდიაშვილის ქ. N7).
17 აპრილი, 14:00 სთ – თსუ არნოლდ ჩიქობავას სახ. ენათმეცნიერების ინსტიტუტისა და იაკობ გოგებაშვილის საზოგადოების ერთობლივი ღონისძიება – წარდგინება წიგნისა „ქართული ანბანი და „დედაენა“ – კულტურული მემკვიდრეობის ეროვნული ძეგლები“ (დეკანოზი კონსტანტინე (გიორგაძე), აკადემიკოსი ავთანდილ არაბული, პროფესორი გიორგი გოგოლაშვილი) (თბილისი, პ. ინგოროყვას ქ. N8, II სართული, სხდომათა დარბაზი).