თსუ არნ. ჩიქობავას სახ. ენათმეცნიერების ინსტიტუტმა გადაწყვიტა „დიალექტოლოგიური კრებულის“ აღდგენა.
„დიალექტოლოგიური კრებული“ გამოიცემა ქართველურ ენათა განყოფილების ბაზაზე. კრებულს მოამზადებს სარედაქციო ჯგუფი (ხელ-ლი გ. გოგოლაშვილი, მდივანი ნ. ციხიშვილი); პერიოდულობა – ორ წელიწადში ერთხელ.
კრებულში გამოქვეყნდება ქართველური ენების დიალექტების შესახებ: ა) სამეცნიერო გამოკვლევები,
ბ) სალექსიკონო მასალა,
გ) დიალექტური ტექსტები.
„დიალექტოლოგიური კრებულისათვის“ მორიგი ტომის მასალების მიღების ბოლო ვადაა 2019 წლის 10 სექტემბერი.
სამეცნიერო გამოკვლევას უნდა ახლდეს რეზიუმე ინგლისურ ენაზე (არაუმეტეს 1 გვერდისა).
სამეცნიერო გამოკვლევის მოცულობა შეზღუდული არ არის; სალექსიკონო მასალა და ტექსტები არ უნდა აღემატებოდეს 20 გვერდს.
ტექსტი აკრეფილი უნდა იყოს „სილფაენში“; შრიფტის ზომა 11; ინტერვალი 1,5.
მასალის ელექტრონული ვერსია უნდა მიაწოდოთ გ. გოგოლაშვილს ან ნ. ციხიშვილს (ან გადმოგზავნოთ ამ მისამართზე: n.tsikhishvili@ gmail.com).