კავკასიოლოგთა V საერთაშორისო კონგრესი
საქართველო კავკასიის კულტურულ-ცივილიზაციურ კონტექსტში
(ისტორია, თანამედროვეობა და პერსპექტივები)
ორგანიზატორი
ივანე ჯავახიშვილის სახელობის თბილისის სახელმწიფო უნივერსიტეტი
ჰუმანიტარულ მეცნიერებათა ფაკულტეტის კავკასიოლოგიის ინსტიტუტი
არნ. ჩიქობავას სახ. ენათმეცნიერების ინსტიტუტი
ჩატარების ადგილი: თბილისი, საქართველო
ჩატარების თარიღი: 04 – 07 ნოემბერი, 2019 წ.
კონგრესის მიზანია: გამოკვეთოს საქართველოს როლი კავკასიის რეგიონის კულტურულ-ცივილიზაციური კონტექსტის ისტორიულ ჭრილში; განსაზღვროს კავკასიის რეგიონის წინაშე არსებული ჰუმანიტარულ-ეკოლოგიური, პოლიტიკური და ეკონომიკური გამოწვევები; შეიმუშაოს გამოწვევათა გადასაჭრელად გასატარებელი აქტივობების სამეცნიერო საფუძვლები; გამოკვეთოს კავკასიის ინტეგრაციის პერსპექტივა რეგიონალიზაციისა და გლობალიზაციის კონტექსტში; განსაზღვროს კავკასიის ლინგვოკულტურული და ბიომრავალფეროვნების შენარჩუნების შესაძლებლობები.
ზემოხსენებული საკითხები არ ზღუდავს სხვა კავკასიოლოგიურ თემატიკას, რომელიც შეიძლება განხილულ იქნეს კონგრესზე გასატანად.
კავკასიოლოგთა V საერთაშორისო კონგრესი იმუშავებს სექციებად დარგების მიხედვით:
- ენათმეცნიერება, სოციოლინგვისტიკა (3 სექციად)
- ისტორია (2 სექციად)
- არქეოლოგია
- კულტუროლოგია, ხელოვნებათმცოდნეობა
- ეთნოლოგია
- ფოლკლორი, ლიტერატურა
- ეკოლოგია, გეოპოლიტიკა, გეოეკონომიკა
კონგრესის თემები აგებულია ქართულ-კავკასიური კულტურის რეგიონალიზაციისა და გლობალიზაციის საკითხთა ისტორიულ-რეტროსპექტიული ანალიზის პრინციპზე. კონგრესის თემებია:
- საქართველოს როლი და ადგილი კავკასიის კულტურულ-ცივილიზაციურ განვითარებაში (ისტორია, თანამედროვეობა და პერსპექტივები)
- კავკასიის ხალხთა ეთნოგენეზისა და პოლიტოგენეზის აქტუალური პრობლემები; კავკასიის კულტურულ-ანთროპოლოგიური კვლევები (არქეოლოგია, ეთნოლოგია, კულტუროლოგია, ფოლკლორი, ლიტერატურა)
- საზოგადოებრივ-პოლიტიკური პროცესები თანამედროვე კავკასიაში (ეთნონაციონალური და კონფესიური ფაქტორები)
- კავკასიის გეოპოლიტიკა (გეოპოლიტიკური, გეოეკონომიკური მიდგომები; ეთნოკონფლიქტები)
- ქართული მატერიალური და სულიერი კულტურის ძეგლები ჩრდილოეთ კავკასიაში
- კავკასიის თემატიკა საერთაშორისო კავკასიოლოგიურ კვლევათა ცენტრებში
- საქართველო – კავკასიოლოგიური კვლევებისა და სწავლების ცენტრი
- გეოლინგვისტური თეორიები; ევროკავშირი, ევრაზიული კავშირი და კავკასიის რეგიონი
- კავკასიის ენების ფუნქციონირების საკითხები (ისტორია და თანამედროვეობა)
- კავკასიის ენათა სისტემა-სტრუქტურისა და არეალური ლინგვისტიკის საკითხები
- ქართულ-კავკასიური ეტიმოლოგიური კვლევების საკითხები
მნიშვნელოვანი თარიღები
თეზისების წარდგენის ბოლო ვადა: 12 სექტემბერი, 2019 წ.
შეტყობინება მოხსენების პროგრამაში ჩართვის შესახებ: 10 სექტემბერი, 2019 წ.
მოხსენებათა (სასტენდო, ზეპირი) წარდგენის ბოლო ვადა: 21 ოქტომბერი, 2019 წ.
მასალების წარდგენის წესი – ორ ენაზე სამუშაო ენებიდან
მოცულობა: არაუმეტეს 500 სიტყვისა ერთ ენაზე
შრიფტი: ქართულისათვის – Sylfaen, ინგლისურისა და რუსულისათვის – Times New Roman
შრიფტის ზომა: 12, სტრიქონებს შორის ინტერვალი: 1,5.
ფორმატი: როგორც MS Word, ასევე PDF.
თეზისები როგორც ქართულ, ისე ინგლისურ და რუსულ ენებზე გამოგზავნეთ შემდეგ ელექტრონულ მისამართზე: congresskaf@tsu.ge
რეგლამენტი
პლენარული სხდომის მოხსენება – 25 წუთი
მოხსენება (პრეზენტაცია) – 20 წუთი