მე-40 რესპუბლიკური დიალექტოლოგიური სამეცნიერო სესია
2020 წლის ოქტომბერი, ახალქალაქი.
თსუ არნ. ჩიქობავას სახ. ენათმეცნიერების ინსტიტუტი
ს ა ი ნ ფ ო რ მ ა ც ი ო წ ე რ ი ლ ი
პატივცემულო კოლეგებო!
გვაქვს პატივი მოგიწვიოთ დიალექტოლოგიურ სამეცნიერო სესიაზე, რომელიც ჩატარდება ამა წლის ოქტომბერში, ახალქალაქის უნივერსიტეტში.
სესიის მოხსენებების თემატიკა: ქართველური ენების დიალექტოლოგიის საკითხები
კონფერენცია ითვალისწინებს პლენარულ და სექციურ მუშაობას.
სესიის რეგლამენტი:
მომხსენებელს — 15 წუთი
მსჯელობაში მონაწილეს — 5 წუთი
საორგანიზაციო კომიტეტი შეარჩევს მოხსენებებს კონფერენციისათვის. საკონფერენციო მოხსენებები დაიბეჭდება სესიის მასალების კრებულში.
სესიაში მონაწილეობის მსურველმა მოხსენება (და არა მოხსენებათა თეზისები!) უნდა გამოგზავნოს არნ. ჩიქობავას სახ. ენათმეცნიერების ინსტიტუტში 2020 წლის 1 ივლისამდე მითითებულ მისამართზე.
სესიის მოხსენებების კრებული დარიგდება კონფერენციის მსვლელობის დროს,
წინასწარ გიხდით მადლობას თანამშრომლობისათვის.
პატივისცემით,
კონფერენციის საორგანიზაციო კომიტეტი
—————————————————————————-
მოთხოვნები კრებულში მოხსენებათა გაფორმებისათვის
მოხსენების მოცულობა — არაუმეტეს 5 გვერდისა
ელექტრონული ფოსტის მისამართი:giglemianilela5@gmail.com
გვერდის ფორმატი: – А4;
ფონტი – სილფაინი, ზომა 11 ინტერვალი – 1,5
- ავტორის გვარი, სახელი პირველ ხაზზე (Bold); ერთი ინტერვალის გამოტოვებით სათაური (Bold) ზომა 14
- დამოწმება ტექსტში – ავტორი, გამოცემის წელი და გვერდი მრგვალ ფრჩხილებში: (ა. შანიძე 1953, 75; გ. დეეტერსი 1930, 125)
- ბიბლიოგრაფია: ზომა სტატიის ბოლოს ანბანზე დაალაგეთ გამოყენებული ლიტერატურა შემდეგი ნიმუშით:
- წიგნის ციტირების დროს:
ა. შანიძე 1953 – ა. შანიძე, ქართული ენის გრამატიკის საფუძვლები. I. მორფოლოგია, თსუ გამომცემლობა, თბილისი, 1953
გ. დეეტერსი 1930 – G. Deeters, Das khartvelische verbum, Leipzig, 1930.
- სტატიის ციტირების დროს:
არნ. ჩიქობავა 1940 – არნ. ჩიქობავა, მესამე პირის სუბიექტის უძველესი ნიშანი ქართველურ ენებში: ენიმკის მოამბე, ტ. 5-6, თბილისი, 1940
მისამართი: თსუ არნ. ჩიქობავას სახ. ენათმეცნიერების ინსტიტუტი, ინგოროყვას N 8