22-23 სექტემბერს, 11 საათზე, თსუ არნ. ჩიქობავას სახ. ენათმეცნიერების ინსტიტუტში გაიმართება კონფერენცია – სამეცნიერო ტერმინოლოგია – IV.

17 სექტემბერს, 2 საათზე, თბილისის მეცნიერებისა და ინოვაციების ფესტივალის ფარგლებში მოეწყობა ენათმეცნიერების ინსტიტუტის ელექტრონული ლექსიკონების ჩვენება, ასევე გაიმართება პრეზენტაცია უახლესი გამოცემისა „მართლწერის ლექსიკონი მედიისათვის“. მისამართი: დიდუბის საგამოფენო ცენტრი „ექსპო ჯორჯია,“ მესამე პავილიონი, სალექციო დარბაზი B.

2016 წლის 16 სექტემბერს გაიმართება კონფერენცია „სიტყვათშემოკლების საკითხები ქართულში“. იხ. საკონეფერნციო მასალები.

2016 წელი საქართველოსთვის, უპირველესად, აღსანიშნავია იმით, რომ იუნესკოს ეგიდით აღინიშნება გენიალური პოეტის შოთა რუსთაველის 850 წლისთავი. ამ თარიღისადმი მიძღვნილ ღონისძიებათა სპექტრში საგანგებო მნიშვნელობისაა ,,ვეფხისტყაოსნის” ხელნაწერი წიგნის შექმნა (პროექტის ფარგლებში: ,,სჯობს სახელისა მოხვეჭა ყოველსა მოსახვეჭელსა”), რომელიც ჭეშმარიტად ყველაზე სახალხო პროექტია: მთელი საქართველო სიამაყითა და თაყვანისცემით გადაწერს თავის უპირველეს საუნჯეს – ,,ვეფხისტყაოსანს”. ეს ხელნაწერი წიგნი ამ გენიალური […]

2016 წლის სექტემბერში გაიმართება IV სამეცნიერო კონფერენცია ტერმინოლოგიაში. მოხსენებათა სათაურები მიიღება არნ. ჩიქობავას სახელობის ენათმეცნიერების ინსტიტუტში 5 სექტემბრამდე შემდეგ ელექტრონულ ფოსტაზე − L.karosanidze@gmail.com; Anakhurcilava9@gmail.com

„ქართული სიტყვის კულტურის საკითხების“ მორიგი − მე-16 წიგნისათვის სტატიები (ამონაბეჭდი და ელექტრონული ვერსია) მიიღება 15 სექტემბრამდე. წერილებს უნდა დაერთოს რეზიუმე (არაუმეტეს 2 გვერდისა). ფორმატი − A4, შრიფტი −Sylfaen, შრიფტის ზომა − 11, ინტერვალი სტრიქონებს შორის − 1.5. სტატიები მიიღება შემდეგ ელექტრონულ მისამართზე− burchuladzetea@gmail.com; contact@ice.ge.

2016 წლის ოქტომბერში ქუთაისში გაიმართება XXXVI რესპუბლიკური დიალექტოლოგიური სამეცნიერო სესია. მოხსენებათა თეზისები – ბეჭდური და ელექტრონული ვერსია, მიიღება არნ.ჩიქობავას სახელობის ენათმეცნიერების ინსტიტუტში (გ.გოგოლაშვილი, თ.ბურჭულაძე) 15 სექტემბრამდე: ფორმატი – A4, შრიფტი – ”სილფაინი”, შრიფტის ზომა – 11, ინტერვალი სტრიქონებს შორის – 1,5. სპეციალისტებს სხვა ქალაქებიდან შეუძლიათ თეზისები იმავე ვადაში გამოაგზავნონ ელექტრონული ფოსტით: contact@ice.ge, burchuladzetea@gmail.com

ამა წლის 14 აპრილს თსუ ენათმეცნიერების ინსტიტუტის დირექტორის მოვალეობის შემსრულებელს, აკადემიკოს ავთანდილ არაბულს გადაეცა საქართველოს მეცნიერებისა და განთლების სამინისტროს ჯილდო − სამკერდე ნიშანი „ამაგდარი“ წარმატებული პედაგოგიური მოღვაწეობისათვის. ვულოცავთ ბატონ ავთანდილს ამ საპატიო ჯილდოს.

2016 წლის 19-22 აპრილს გაიმართება სამეცნიერო სესია „არნოლდ ჩიქობავას საკითხავები“. სხდომები ჩატარდება არნ. ჩიქობავას სახელობის ენათმეცნიერების ინსტიტუტის სხდომათა დარბაზში (დასაწყისი − 11 საათზე). იხ.სესიის პროგრამა და მოხსენებათა თეზისები